PARABÉNS XIMENA

Queda moi pouquiño para que todas as bolboretas cumpran os 4 anos. Este mes tocoulle a Ximena e o luns foi o día elixido para celebralo todos xuntos. Tomamos unha torta moi rica, cantamos, bailamos,...

Moitísimas grazas á familia de Ximena. 

Aniversarios outubro 13 - presentacion imagenes

MINICONTO DE MEDO

Para celebrar o Samaín, no cole, vaise crear un libro con pequenos contos de medo.

 As bolboretas, non quixemos perder a oportunidade e xa temos aquí a nosa historia. 

Pasámolo moi ben creándoa e aquí tedes o resultado.

 

AS NOSAS PANTASMAS

Xa queda pouquiño para a celebración do Samaín. Que ben! 

E para ambientar o cole, creamos unhas pantasmas que dan moito medo.

Mirade que chulas quedaron e que cariñas poñemos para asustar.

  

O PORTA-CASTAÑAS PARA O MAGOSTO

As bolboretas estamos desexando volver a celebrar ao magosto no cole. Para iso pedímosvos ás familias a vosa colaboración. Necesitamos un brick baleiro, limpiño e cortado pola metade (todos as caras menos unha das máis anchas, coma na foto) para facer o noso porta-castañas para a festa. Moitas grazas!

NOVA CARTA DE NUMERETE

Os últimos días as bolboretas estaban moi preocupadas, porque facía moito tempo que non recibiamos noticias de Numerete, entre todos escribímoslle unha carta. E non tardou nada en contestar con novas das súas viaxes. Nesta ocasión viaxou ao planeta do número 4, de onde nos trouxo un pequeno regalo coa forma deste novo número. Seguiremos moi pendentes de que cheguen máis cartas do noso amiguiño.

          

DÍA CHEO DE EMOCIÓNS

Hoxe, cando chegamos ao cole, sorprendémonos moitísimo cunha noticia. O noso compañeiro Santi, ten que cambiar de cole, puxémonos moi triste, porque o vamos a estrañar moito. E para que sempre se acorde de nós decidimos prepararlle entre todos un pequeniño agasallo.

Cando estaba acabando a mañá, Santi veu a despedirse e puidémoslle ensinar o que fixeramos cada un de nós.
 Gustoulle moito. 

                   

 Santi, esperamos verte pronto.

Ademais, tamén tivemos a visita de Álvaro, un alumno de 5º de primaria, que participou na nosa clase léndonos un conto moi divertido.
Comeza así a lectura semanal dos maiores nas aulas de educación infantil.
Que terá lugar todos os xoves, despois do recreo. 

E para rematar, tamén fomos (por primeira vez este curso) a visitar a Guino, a mascota da biblioteca. Onde cada xoves, iremos a buscar un libro que levaremos para as nosas casas, para poder gozar del acompañados das nosas familias.

               

       

PRIMEIROS ANIVERSARIOS DO CURSO

Este luns comezamos coas celebracións, nesta ocasión tratábase dos aniversarios de agosto e setembro. Carolina, Hugo, Manuela, Noa, Paula e Valentina xa teñen 4 aniños.

 Celebrámolo cunha parva riquísima, a base de torta, batidos e galletas personalizadas e cun baile moi divertido. Pasámolo moi ben e estaba todo boísimo. 

Parabéns bolboretas!

 Moitísimas grazas ás familias, outra vez máis, pola colaboración.

Aniversarios setembro 13 - foto montaje